Настава во природа во Охрид

Во периодот од 29 до 31 мај, за прв пат во нашето училиште, учениците од петто одделение (матично и подрачни), под менторство на нивните одделенски наставници, беа на настава во природа во Охрид.📌
Тие реализираа низа активности со посета на Охрид (Старата чаршија, Антички театар, Св. Софија, Св. Јован Канео, Самоилова тврдина, Св. Наум, Музеј на вода- Заливот на коските), Вруток – изворот на реката Вардар, Струга – со посета на река Црн Дрим, мостот на поезијата.
🏛️Се запознаа со културно- историските знаменитости на нашата татковина, а имаа и други разни активности, поврзани со наставната програма.🏛️