Учество на литературен и ликовен конкурс на тема: „Обединети во активностите за спасување и постигнување на целите за одржлив развој
05/12/2023
Работилница на тема” Важноста и улогата на црвениот крст”
14/12/2023- Парламентарниот институт го организираше дванаесеттото издание на работилницата „Детски парламент”, на која учествуваа 81 ученик од 15 основни училишта од целата држава.
Нашите ученици од IX одделение: Meri Milenkovska, Nina Mihajlovska, Teodora Stankovska и Лукас Стојчевски имаа можност да го претстават нашето училиште на оваа работилница, и да ги применат своите знаења стекнати на часот по Граѓанско образование.
Во првиот дел од работилницата, учениците имаа можност да поставуваат прашања на пратениците од различни пратенички групи во собранието, а потоа следуваше презентација на изработени креативни паноа со пораки претставени до пратениците изразени преку мисла, стих и цртеж. Темата на која беа подготвени паноата за овогодинешниот Детски парламент беше „За секое дете – сите права“.
Во вториот дел, преку симулација на законодавна постапка, учениците развиваа свои ставови и аргументи и нивно бранење на истите со кои се поддржува или побива предложеното законско решение на темата : „Замена на класичните учебници со електронски“ , а на крајот имаа можност и да гласаат за предлог решенијата.
Дополнително, преку организирана обиколка на зградата на собранието учениците имаа можност и да ги видат најрепрезентативните простории од зградата на Собранието и да научат за почетоците на македонската државност од минатото до денес.
