Пилот тестирање од проектот „Играј и расти – Развивање на развоен мисловен склоп кај учениците преку дигитална гејмификација“

Во нашето училиште успешно се реализираше пилот тестирање на дигитална игра по математика, подготвена за учениците од петто одделение, во рамки на проектот „Играј и расти – Развивање на развоен мисловен склоп кај учениците преку дигитална гејмификација“.

Проектот го спроведува Македонскиот центар за граѓанско образование (МЦГО), со поддршка од Иновацискиот фонд на Детската фондација Песталоци.

Како училиште вклучено во проектот, одделенскиот наставник Добри Јовевски како претставник од нашето училиште учествуваше на стручни обуки за развоен мисловен склоп (mindset) и дигитална гејмификација во образованието, а стекнатите знаења ги примени преку изработка на дигитална игра по математика.

Со пилотирањето на играта, учениците имаа можност да се запознаат со нов, интерактивен и интересен начин на учење, да учествуваат активно и да ги споделат своите впечатоци. Ова претставува голема придобивка и за учениците и за наставниците, бидејќи придонесува кон поголема мотивација, самодоверба, креативност и подобри постигања во STEM областите.

Горди сме што сме дел од проект кој ги поттикнува иновациите, современото учење и развојот на квалитетно образование за сите ученици.