Донација за активности со учениците од областа на програмирање и роботика, овозможена од Bechtel Corporation & Robotics & Innovation Academy

Нашето училиште доби вредна донација за активности со учениците од областа на програмирање и роботика, овозможена од Bechtel Corporation & Robotics & Innovation Academy, кои и оваа година ја продолжија својата општествена одговорност и хуманост.

Донацијата е наменета за учениците од формираниот клуб по роботика, кој ќе овозможи нашите ученици да направат чекор напред во светот на технологијата и иновациите.

Преку оваа поддршка, ООУ „Илинден“ станува дел од глобалното семејство на FIRST LEGO League – Macedonia, каде што учениците со помош на LEGO роботи ќе можат успешно да го спроведуваат СТЕМ-образованието, градејќи вештини за 21 век – креативност, логичко размислување, тимска работа и иновативност.

Особена благодарност упатуваме до

Mrs. Bronwyn Hinspeter и Гордан Анастасов, кои со својата поддршка помогнаа нашиот сон за СТЕМ образование да стане реалност.

Донацијата свечено ја прими директорката на училиштето, Лорета Димитровска, а со менторирање на клубот ќе раководат наставничките по информатика и техничко образование – Марија Смиљков и Татјана Славова.

Во свет во кој знаењето и информациите растат и се лесно достапни, учениците треба да развиваат способности за анализа, планирање, логично и креативно размислување.

Преку ваквите иницијативи, нашето училиште придонесува за:

-развој на иновативно општество,

-поттикнување на психо-физичкиот и интелектуален развој на учениците,

-градење на етички и морални вредности, тимска работа и комуникација,

-обезбедување на перманентен личен и професионален развој.

Нашата визија останува и понатаму јасна и силна:

„Создаваме модерно училиште во кое секој ученик ќе ги развива своите потенцијали.“