Посета на Македонскиот народен театар

Учениците од IV одделение од ООУ „Илинден“ Крива Паланка имаа несекојдневна можност да ја посетат Националната установа Македонскиот народен театар во Скопје. Со огромна љубопитност ги истражуваа тајните зад завесата – од сценографијата и костимографијата до актерска игра и режија.

Ги посетија фоајето, малата сцена, големата сцена и изложбениот простор со културни и историски обележја поврзани со театарските случувања во државата.

Ова незаборавно искуство кај учениците инспирира голема љубопитност кон театарската уметност. Благодарност до Македонски народен театар за топлиот прием и можноста да го доживееме светот на театарот!