Завршна сметка за 2023-2024 година
01/06/2026
НАСТАВА ВО ПРИРОДА – УЧЕЊЕ НИЗ ИСКУСТВО, ПРИРОДА И КУЛТУРА
16/06/2026Нашето училиште со високи признанија на „Trash Fashion Runway – Circular Economy in Practice“ 
На одржаниот настан „Trash Fashion Runway – Circular Economy in Practice“, во организација на Europe House Крива Паланка, а координирана од страна на наставник советник Лариса Жулина Митовски, ученици од нашето училиште се претставија со уникатни модни креации изработени од реупотребени материјали, покажувајќи дека отпадот може да добие нов живот преку креативност, естетика и еколошка свест.Под менторство на наставниците од нашето училиште, учениците презентираа впечатливи еко-креации кои се истакнаа со оригиналност, инвентивност, моден израз, дизајнерска идеја, сценски настап, креативна трансформација на материјалите и јасна порака за значењето на циркуларната економија.
Со особена гордост истакнуваме дека голем број ученици од нашето училиште се здобија со високи признанија за својата работа, посветеност и креативен пристап.
Прво место во категоријата I–V одделение освои ученичката Катја Тренчовска со креацијата „Пролетна магија“, под менторство на наставничката Маре Ангеловска. Признание за „Најгламурозна еко-креација“ доби ученичката Мартина Димитровска, под менторство на наставничката Сузе Спасовска. Признание за „Најдобра трансформација на отпад во уметност“ доби ученичката Дарија Дејанова, под менторство на наставник-советник м-р Добри Јовевски.Овие признанија се потврда дека во нашето училиште се негуваат креативноста, тимската работа, естетската култура, иновативното размислување и одговорниот однос кон животната средина.
Уште еднаш покажавме дека еколошката свест кај нашите ученици и наставници е на високо ниво, а училиштето продолжува да биде простор каде што идеите се претвораат во дела, а младите се охрабруваат да создаваат, истражуваат и испраќаат силни пораки за подобра и поодржлива иднина. 
Честитки до сите ученици, наставници и ментори за вложениот труд, креативноста и прекрасното претставување на нашето училиште!
